Halbtagesausflug am 08. Sept. 2018

Lewe Lüe vun Landvolk, lewe Heimatfrünn,

an'n 08 in'n Septembermaand 2018 wüllt wi use Utfohrt maken.

Dat geiht los:
üm Klock 12.30 bi Müller in'n Spohle,
üm Klock 12.35 bi Brumund in Connefoor,
üm Klock 12.45 bi de ole Möhl'n in Almsee un
üm Klock 12.55 in Babenstroh bi'n Riesweg.

Use Utfohrt geiht to eers na'n Ollnborgisch Ostfreeschen Waterverband na Diekmannshusen. Dar wiest se us de „Kaskaden" un ladt us to Kaffee, Tee un Koken in.
Achteran föhrt wi wieter na Brak. Mit usen Bus föhrt wi dör'n Braker Hav'n. Een Fachfroo or -kerl vertellt us wat över dat, wat in'n Hav'n vun Brake so passert un los is! Twüschen dör wiest se us ok noch een Film vun'n Hav`n. Dat ganze düürt so wat

Dat is nu jo dat eerste Mal, dat de Heimatvereen un de Landvolkvereen eene Utfohrt tosamen maken wüllt. Wi, vun Vörstand vun de beiden Vereens, würn us düchtig frein, wenn Veele use Utfohrt mit maken. Nee is, dat ok de Froonslü vun't Landvolk mitföhren köönt. Ok Gäste sind us vun Harten willkamen. För disse Utfohrt sind pro Person 20,- € to betahlen.

Anmel'n köönt ji jo bi Gerda Kuhlmann, Telef.: 04458/889 (Heimatvereen), Jürgen Hibbeler, 04458/682 (Vörsitter Landvolkvereen) or bi de Vertronslüe vun Landvolkvereen. Wer dat denn per elektronsche Post maken will, de kann dat ünner info@heimatverein-conneforde.de doon. Mell't jo bitte bet to'n 25.08.2018 an.