Bild: Arnold Gerdes
Mareke Gerdes aus Conneforde trug bei der Sonnenwendfeier am 23. Juni 2013 in Conneforde ein Gedicht von Marga Claußen vor.

 

 

Sömmersünnwende

 

Sünnwendfüür! Dien hillige Schien,
de lücht us deep in’t Hart hennin.
He maakt in us dat Lengen waak,
na Heimat un na Moderspraak!


Sünnwendbruuk! Al lang büst du dor,
siet Urtied, all’n poor dusend Johr.
dien Tied is de Midsömmernacht,
wenn de Natur steiht in ähr Pracht!


Sünnwendsinn! De Sünn gellt us Dank,
ahn Sünn weer allens soor un krank.
Se deit all ähr Warmde gäven
för Minsch, Plant un Deert, to’n Läwen!


Sünnwendfüür! Lüch up un schien wiet,
schien hennin in de kamen Tied.
Wies de Minschen all ähre Richt,
Sünnwenddenken, verlaat us nicht!



Marga Claußen

 

©  Alle Rechte bei der Autorin